ابن فتح الله

بشتاقلك

2010-04-25T01:10:00.000+02:00

انا ليه بشتاقلك

انادى عليك محتاجلك

وانت ازاى تسيب قلبى اللى عاش لهواك

خد عمرى وخد عينى

خد ايامى وسنينى

بس حبيبى خلينى اعيش وياك

ارحم قلبى من بعدك

قولى ازاى اعيش بعدك

وانت الدنيا من غيرك اعيشها انا ليه

اوعى تسيبنى لو ثانية

دا انت حبيبى بالدنيا

وانت الدنيا من غيرك اعيشها انا ليه

قربنى ليك محتاج اليك

خليك معايا

بعدك مليش

غيرك مفيش

قرب كفاية

دا انت الحياه والدنيا دى وعمرى وسنينى

قرب منى خلينى

شايف جنتى بعينى

عايش احلى ايامى معاك وماليش

فى الدنيا دى غيرك انت

عاشقك قلبى ما هو انت

وانت الدنيا من غيرك اعيشها انا ليه

البداية

2010-03-28T21:29:00.001+02:00

على شواطىء عينيك رست سفينة حياتى . وغرقت كل عواطفى فى ليل عينبك الذى يبداء ولا ينتهى . وتلاقت الامواج حول سفينتى التى رحلت يوما بغير هدف الا عيناك . وظننت ان الرحلة انتهت ولكنها كانت البداية

البداية

البداية كلمة تائهة تبحث عن جواب فاحساسى بان بدايتى انت وان كلمتى هى انت . . احساسى بانى اكتبك .. بانك تسبحين فى حروف كلماتى

يا له من احساس جميل ان احس بالتوحد معك وبك

ان نصبح جسدا واحدا رغم ابتعادنا

ان تصبحين نظرتى واصبح عينيك

ان تصبحين اسمى واصبح بيتك

ان تصبحين صيفى واصبح ربيعك

الا ترين يا حبيبتى كيف ان بدايتك اصعب من ان تكون كلمة .. ولكن اسمحى لى ان انزل بمستوى قامتك الى مستوى لغتى .. فان لغتى اسهل منك وافل من ان تكون فى مستواك .. ولكن اعذرينى

اتذكرين حبيبتى اول لقاء

كنت وقتها بعيدة عنى وكنت بعيدا عنك الى ان سمعت صوتك

آه لصوتك .. من اين لضعفه بهذا العنفوان يجتاح به حصونى ويحطم قلاع تعقلى .. كيف تزرع نبراته لتمردى الف جناح فيحلق فى افاق المستحيل بلا تردد او خجل

احببتك .. نعم احببتك ... احببت فيك كل شىء

احببت افكارك احببت كلامك احببت صوتك

احببت خطك احببت جمالك احببت عينيك

احببت فيك كل شىء .. واصبحت لى كل شىء

اصبحتى املى اصبحتى دعائى اصبحتى كل امنياتى

لا تسالينى كيف حدث ذلك ... لقد كنت لا ارى للحب معنى الى ان يا حبيبتى اصبحت اعرف كل معانيه بنظرة واحدة الى عيناك

يكفينى يا حبيبتى ان اسمع منك كلمة

لاعيش من اجلها طوال العمر

احبك

رسالة خاصة جدا

2009-05-16T00:26:00.001+03:00

وبينا ميعاد لو احنا بعاد

اكيد راجع ولو بينى وبينه بلاد

قصاد عينى

فى كل مكان

ومن تانى اكيد راجعين

انا دايب وكلى حنين

ولا عمرى ابيع لو مين

قصاد عينى

ومش قادر على الايام

ولا يوصف هوايا كلام

وطول ليلى ولما بنام

قصاد عينى

فى كل مكان

فى يوم هنعود دا بينا وعود

وفى غيابه اكيد لسه الامل موجود

قصاد عينى فى كل مكان

حسبى الله ونعم الوكيل

2009-01-04T21:10:00.002+02:00

سيدى الرئيس محمد حسنى مبارك احذر ... فالحذاء القادم فى طريقه اليك

بل يؤسفنى سيدى قول ان حذاء واحد لا يكفى

لك الله يا غزه

عندما يرحل الرفاق

2007-11-15T02:12:00.000+02:00

تاهت خطاي عن الطريق
لا ضوء فيه.. ولا حياة.. ولا رفيق
والبيت.. أين البيت؟
قد صار كالأمل الغريق
وعواصف الأيام تقتلع الجوانح
بالأسى الدامي.. العميق
وتلعثمت شفتاي قلت لعلني
أخطأت.. في الليل الطريق
وسمعت صوت الليل يسري.. في شجن
قدماك خاصمتا الطريق
رحل الرفاق أيا صديقي من زمن
* * *
يا ليل
يا من قد جمعت على جفونك شملنا
يا من نثرت رياض دفئك حولنا
وحملت أنسام الربيع رقيقة
سكرى لترقص.. بيننا
أتراك تذكر من أنا؟
أنا صاحب البيت القديم
يوما تركت لديك حبا عاش مفتون.. المنى
و سمعت صوت الليل يسري.. في شجن
رحل الرفاق أيا صديقي من زمن
* * *
ودخلت بيتي و السنين تشدني
وروائح الماضي القديم.. تضمني
البيت يعرف خطوتي
في مدخل البيت الحزين رأيت كل حكايتي
الأرض تبتلع الزهور
وأزهار النوار في تابوتها
أطلال عطر.. أو قشور
فوق المقاعد كانت الحشرات تجري.. أو تدور
والهمس يسري بينها
جمع التراب رفاقه حولي و حدق.. في غرور
أتراك جئت لكي تحطم بيتنا
وسألته في دهشة
أتراك تعرف من أنا؟
أنا صاحب البيت القديم
نهض التراب وقال في غضب
شيء عجيب ما أرى
ماذا تريد؟
كل الذي في البيت يعرف أنني
أصبحت صاحبه الجديد
وعلى جدار الصمت نامت صورتي
تاهت ملامحها مع الأيام مثل.. حكايتي
ودموعها تنساب كالماضي وتروي قصتي
بجوار مقعدنا رأيت جريدة
فيها مواعيد السفر
ومتى تعود الطائرة
وشريط أغنية لعل رنينها
قد ظل يسرع.. ثم يسرع
خلف ذكرى.. حائرة
فتوقفت نبضاتها
وسمعتها:
أيها الساهر تغفو
تذكر العهد.. و تصحو
و إذا ما التأم جرح جد بالتذكار.. جرح
فتعلم كيف تنسى و تعلم.. كيف تمحو

***

وعلى سريري ماتت الأحلام وانتهت.. المنى
يا حجرتي.. يا صورتي
يا كل ما أحببت من هذا الوجود
يا وردتي يا أعذب الألحان في دنيا الورود
أنا صاحب البيت القديم

***
لا شيء ينطق في السكون
لا شيء يعرف.. من أكون؟
وسمعت صوتا يقتل الصمت الرهيب
أنت الذي ترك الزهور
لكي تموت من الصقيع
كل الذي في البيت عاش و ظل يحلم بالربيع
كل الذي في البيت مات
كل الذي في البيت مات
* * *
ومضيت نحو الصوت تنهرني الخطى
فوجدته قلمي ينام على كتاب
ودماؤه الحيرى تئن على التراب
ومضى يحدثني بحزن.. و اكتئاب

لم يا صديقي قد هجرتم بيتنا
وتركتم الحب الصغير يموت حزنا.. بيننا
في كل يوم كان يسأل: أين أمي؟؟ أين راح أبي؟

تراني.. من أنا؟
ما زلت أذكر يا رفيقي ساعة الأمس الحزين
أنا لا أصدق أن قلبك جرب الأشواق
أو ذاق الحنين
ما كنت أحسب أن مثلك قد يخون
أو أن طيف الحب في دنياك يوما.. قد يهون
* * *
أمسكت بالقلم الذي يبكي أمامي في جنون
هيا إلي فربما نجد الطريق
هيا إلي فربما نجد الرفيق
ماذا أقول؟
تاهت خطاي عن الطريق

فاروق جويدة

الى من فى القلب رغم البعد

2007-07-07T01:01:00.000+03:00

تسألني حبيبتي ماالفرق بيني وبين ... السماء

الفرق ما بينكما انكي إن ضحكتي ياحبيبتي

أنسى السماء

*******

يا ربي قلبي لم يعد كافياً

لأن من احبها تعادل الدنيا

فضع بصدري واحداًغيره يكون بمساحة الدنيا

********

مازلت تسألني عن عيد ميلادي

سجل لديك إذن ما أنت تجهله

تاريخ حبك لي تاريخ ميلادي

********

ذات العينين السوداوين

ذات العينين الصاحيتين الممطرتين

ما اطلب أبدا من ربي إلاشيئين

أن يحفظ هاتين العينين

ويزيد بأيامي يومين كي أكتب شعراً في هاتين اللؤلؤتين

******

أشكوكي للسماء كيف استطعتي كيف

أن تختصري جميع ما في الأرض من نساء

لو كنتي يا صديقتي بمستوى جنوني

لرميتي ما عليكي من جواهر

اًوبعتي مالديكي من أساور

ونمتي في عيوني

********

لأن كلام القواميس مات

لأن كلام الروايات مات

أريد اكتشاف طريقه عشقاً احبكي فيها بلا كلمات

*****

انا عنكي ماأخبرتهم

لكنهم لمحوكي تغتسلين في أحداقي

انا عنكي ما كلمتهم

لاكنهم قراؤكي في حبري وفي أوراقي

****

ذوبت في غرامكي الأقلام

من ازرقاً واحمراً واخضراًحتى انتهاء الكلام

علقت حبي لكي في أساور الحمام

ولم اكن اعرف يا حبيبتي

أن الهوى يطير كاالحمام

*****

حبكي يا عميقة العينين

حبكي مثل الموت ...والولادة

صعب لأن يعاد مرتين

******

عشرين ألف امرأة أحببت

عشرين ألف امرأةجربت

وعندما التقيت فيكي يا حبيبتي

شعرت أنى الآن قد بدأت

*****

أولا : حبيبتي أنتي

وثانياً : حبيبتي أنتي

وثالثاً :حبيبتي أنتي

ورابعاً وخامساً وسادساً وسابعاً وثامناً وتاسعاً وعاشراً

نزار قبانى

عمنا احمد فؤاد نجم

2007-05-22T02:34:00.000+03:00

انا فعلا بحب الراجل ده جدا لانه فعلا بيتكلم كلام بسيط لكن بيوجع
عموما اسيبكم مع عمنا احمد فؤاد نجم

البتاع

عريس الدولة

قال لك ايه

تسجيل نادر للشاعر

حقوق الملكية الفكرية محفوظة ل

Dalia Ziada

http://daliaziada.blogspot.com

فى تعليقه على روبى

30

2007-05-05T04:32:00.000+03:00

ثلاثون عاما فى طريق الهوا ولا يزال الدرب مجهولا

فمرة كنت انا قاتلا واكثر المرات مقتولا

ثلاثون عاما يا كتاب الهوا

ولم ازل فى الصفحة الاولى

مع الاعتذار لنزار قبانى

بلال فضل والدماغ العالية

2007-04-24T03:21:00.000+02:00

الاول انا اسف على فترة الانقطاع الكبيرة دى بس فعلا ده كان غصب عنى

المهم مش هو ده موضوعنا

المقال ده مكتوب فى الدستور وعجبنى جدا لانه حسيت انه فعلا بيعبر عنى وعنك وعن اكثر المصريين فحبيت انقله ليكم ذى ما هو

ما اسمك

والله ما انا فاكر ... المفروض انكم عارفينه

ما دينك

مسلم ان شاء الله

يعنى ايه انت مسلم ولا ان شاء الله

مسلم ... بس دايما باقدم حاجتين المشيئة والساعة

طب المشيئة وفهمناها ... بتقدم الساعة ليه

ما باحبش اسابق الزمن

شقى انت ام سعيد

انا مصرى

يعنى ايه

يعنى انا سعيد بشقائى

هل تذكر كيف توفيت

كنت رايح معهد الاورام اعمل جلسة كيماوى خدتها على نفقة الدولة بعد ما بعت صيغة مراتى ..... الظاهر ربنا حب يلعنى عشان انا راشى قام الميكروباص اللى كنت راكبه عمل حادثة على المحور بس متهيالى نجيت منها لانى لما الاسعاف رمانى فى المستشفى لقونى سليم وطلبوا ستميت جنيه عشان يطلعونى من غير ما يسرقوا كليتى .... لما لقونى بعتها من سنة حلفوا ما يخرجونى الا لما اتبرع بالدم ... قلت لهم مش هينفع عشان من يومين عضنى كلب امير سعودى ... ما صدقونيش الا لما عضيت دكتورة التخدير فى كعبها ... افتكرتها ممرضة ما لهاش دية ... طلعت مسنودة بس طالعة سمرا لابوها اللى كان فقير بس ربنا كرمه وبقى حرامى كبير .... وهى داخلة تتعالج على نفقة الدولة حلفت انى لو ما اتادبتش هتقفل المستشفى .... اتحايلت الدكاترة عليا انى ما اقاومش الاعتقال عشان المستشفى باب رزق كبير ومفتوح للكل .... ما رضيتش اقطع عيش حد ... كنت فاكر الموضوع هيخلص بسرعة ... بس فى القسم اتاخرنا لان الباشا الضابط ما كنشى فاضى ... كان بيعذب سواق ميكروباص قعد امين شرطة على الكرسى القلاب ... السواق حلف انى كل غلطته انه قال للامين يقعد رابع ورا .... لكن لما طلع له الكارنيه قوم له واد كان رايح سفارة رومانيا عشان يطلب الهجرة وقعده جنب ست كبيرة كانت رايحة تزور ابنها اللى معتقل من خمستاشر سنة ... ولما الناس لمت الاجرة الامين صادرها وقال لهم انه حاسس انى الفلوس مزورة ولازم يكشف عليها .... قال له السواق ان ده ما يرديش ربنا وعنها بقى .... الكلام ده عرفته فى الطب الشرعى لما رحت انا والسواق عشان نثبت انى الضابط كهربنا من خلاف ... وبخلاف كده تف علينا عشان لما حاول يحط لنا جسم صلب ... قرف من الريحة وقال لنا اننا ملعونيين فى كل كتاب ... ولما قلنا له ان احنا بتوع ربنا ادانا نمرة برنامج الله اعلم عشان نستفتى فى حكم الشرع فى اللى ما بيلتزمش باداب الطهارة ... بس احنا غلطنا وسالنا عن حكم الشرع فى اللى يسقى الناس ميه ملوثة .... الشيخ قال لنا انى الجواز العرفى حرام ونصحنا بالتوبة وعمل عمرة فورا .... قلت له انى متقعد منها عشان امى وابويا لما راحوا العمرة اتحرقوا وعالجوهم على نفقة امير ما بيحبش يربى كلاب .... وهم راجعين غرقوا ... بس السواق اتاثر جدا بكلام الشيخ ... وخرج فى سبيل الله لكنه اتمسك امن دولة عشان عمل لحماته عرض عسكرى لما رفضت ترجع له مراته اللى سيحت له فى الحارة وقالت انه من ساعة ما رجع من القسم ما عادش زى الاول .... انا بقى رجعت من الطب الشرعى مقهور عشان جلسة الكيماوى فاتتنى .... لقيت مراتى عاملة العشاء وقاعدة بترجع جنبه عشان الجق طلع فسدان .... حاولت اسعفها شاورت لى على ابنى صلاح اللى لقيته مفرفر على الكنبة .... اتاريه من ساعة ما راح الوحدة يتطعم وهو مش على بعضه .... كان التليفزيون بيذيع خطبة للريس من غيظى حدفته بطبق ... ولع ... التليفزيون طبعا .... مسكت النار فى الشقة ... انقذت صلاح وسبت مراتى بناء على الحاحها .... بس طلعت مصيبتى اهون من غيرى .... اصل الحتة كلها اتحرقت .... عشان لما اتصلنا بالمطافى ردت علينا فتاة نهار وقالت لنا نشترك فى المسابقة ولما حلينا غلط قفلت السكة .... اتكلمنا تانى وحلينا صح قام الخط قطع

بااس ... بس كفاية .... كل ده وما عرفناش انت مت ازاى

ايه .... اه .... افتكرت .... مت موته ربنا

ما كنت تقول كده من الصبح يا اخى .... اوف .... يا جماعة بعد كده اى حد مصرى ما تسالهوش انت مت ازاى ... اسالوه كنت عايش ازاى

نقلا عن جريدة الدستور

بقلم

بلال فضل

سفالة فى شارع الهرم

2006-12-14T00:17:00.000+02:00

تحذير : الكليب المعروض يحتوى على مناظر مخلة بالاداب

لم اكن اتخيل ان يصل بنا مستوى الانحطاط لهذه الدرجة

الكليب المعروض لراقصة من شارع الهرم ترقص رقصة سافلة مثلها لم اكن انوى عرضه الا بعد مشاهدة موضوع مماثل عند احمس فى مدونة المصطبة ولى سوال بعد المشاهدة

هى الاماكن دى " العربخانات بتاعة شارع الهرم " مفيش عليها اى رقابة

ولا هو البوليس الحلو بتاعنا مش بيقدر على حد الا الغلابة

حصريا - عسكرى امن مركزى

2006-11-30T04:15:00.000+02:00

والله انا ما عارف اعلق على الموضوع ده

عموما انا هسيب لكم انتم التعليق

مع الشكر للاستاذ / حازم شوشة

مش هى دى حرية التعبير يا كريم

2006-11-08T07:29:00.000+02:00

قرات خبر القبض على المدون كريم عند علاء وتابعت موضوع الحملة الموجهة لمساعدة كريم من عدد كبير من المدونين

بس عندى سوال للاخ كريم والمتضامنين معه

يا ترى هى دى حرية التعبير ؟ حرية التعبير انى يبقى فى واحد بيسىء للاسلام " من وجهة نظرى " فى كتاباته على مدونته وفى بعض المواقع الاخرى

طب ولو دى حرية التعبير ليه اعتبرنا اللى حصل فى الدنمارك العكس ولا ليه اعتبرنا انى اللى حصل منبابا الفاتيكان العكس

فين حرية التعبير دى فى انى واحد يقول على شهر رمضان الكريم " شهر نفاق " يعنى واحد بيوصف بتاع مليار مسلم انهم منافقين

ولا فين حرية التعبير فى جملة " كل من احترم ذاته وارتد عن الاسلام

يعنى عشان انا مسلم يبقى انا مش محترم نفسى

لو هى دى حرية التعبير يبقى فعلا انا مش عاوزها

ويا اهلا بقمع الحكومة

حرية التعبير لم تكن ابدا تضمن حق الفرد فى الاساءة للغير

يا اخ كريم ويا مدونين متضامنين معه

حرية التعبير ومفهوم الحرية فى الاصل مبنى عدم الاساءة الى اى فئة

واى افكار يعتنقها بشر

The means of LOVE…..

2006-10-03T04:17:00.000+02:00

Some people think that love is only about having a boy or a girlfriend think no one on the earth can describe the meaning of LOVE
There are many questions but the answer different……
First: Do you really know what love is?
Second: Do you believe in love?
Third: Do you really know what love needs?
I will answer all these question but first I want to say that love is a word of 4 letters but its meaning is than 4 letters. I think love is a human need.
We all need love to go on with our hard life, we need no reason to love someone or even to hate someone. Love comes and goes with no time or place or even a person.
We can say love needs care and warmth and joy and happy and admiration….
We must know the difference between Love and admiration.
Admiration is when someone likes another one from the first sight but Love is the purest feeling found all over the world
True love is that no reason , I mean love for love I think that when you truly love someone you forget all about his bad qualities and may even see them as good not bad.
Love needs and support, true love is feel as one live and love as one and also die as one.
Love is a verrrrry big and deep word that must be said only when it is truly felt.
In love you don't ask to repay ,you give all your care and warmth and joy and everything .
You can give without loving but you can't love without giving .
If all things be next Love will be the first.
This is what I believe

Created by Nooooooooooda

2006-08-28T08:26:00.000+03:00

شاهد اللحظات الأولى بعد تصادم القطاران فى قليوب شاهد القطاران وهم يشتعلان

حمل الجزء الأول الوقت 3.00 دقائق

حمل الجزء الثانى الوقت 3.04 دقائق

حمل الجزء الثالث الوقت 2.44 دقائق

نقلا عن موقع جامعة اون لاين

واخيرا واحد فينا هيعملها

2006-08-17T20:38:00.000+03:00

الحمد لله

بعد مرور كل السنين دى

يبدوا ان الشلة المنحوسة بتاعتنا بدات ربنا بفرج عليها

وادى اول واحد فينا ربنا كرمه وفرحه بكرة

الف الف مبروك يا مومن

حقيقى احنا كلنا فرحنين ليك جدا جدا

صحيح هى الجوازة كانت مزنقة حبتين بس المرادى الحمد لله ربنا جاب العواقب سليمة

الف مبروك تانى وعقبال لما نشوف لك " اون " صغير نلعب بيه

البداية

2006-08-16T02:00:00.000+03:00

البداية

يا له من احساس جميل ان احس بالتوحد معك وبك

ان نصبح جسدا واحدا رغم ابتعادنا

ان تصبحين نظرتى واصبح عينيك

ان تصبحين اسمى واصبح بيتك

ان تصبحين صيفى واصبح ربيعك

اتذكرين حبيبتى اول لقاء

كنت وقتها بعيدة عنى وكنت بعيدا عنك الى ان سمعت صوتك

احببتك .. نعم احببتك ... احببت فيك كل شىء

احببت لفكارك احببت كلامك احببت صوتك

احببت خطك احببت جمالك احببت عينيك

احببت فيك كل شىء .. واصبحت لى كل شىء

اصبحتى املى اصبحتى دعائى اصبحتى كل امنياتى

لا تسالينى كيف حدث ذلك ... لقد كنت لا ارى للحب معنى الى ان يا حبيبتى اصبحت اعرف كل معانيه بنظرة واحدة الى عيناك

2006-08-07T03:51:00.000+03:00

الموضوع ده تعليق على الخناقة البايخة الموجودة على مدونة مصرنا وكمان موجودة عند علاء انا ما حبتش اكتب التعليق هناك لانى لقيت التعليقات فعلا مهزلة

اه والله مهزلة وعركة بدون داعى

ايه يعنى لما عمرو سليم يسيب الجريدة

من حقه

ده رايه وقراره وهو شايفه صح

خلاص

وخالد وعبير كمان

وايه يعنى

هم ممكن يكتبوا فى اى مكان

واللى بيحب كتابتهم هيروح وراهم

اديكم مثال

يا ترى كام واحد فيكم بيجيب جريدة الاخبار عشان احمد رجب

يعنى من النهايه الكلمة مش بتقف على مكان

عزيزى الاستاذ عمرو سليم

افتقدناك فى الدستور فعلا ولو كان ممكن ترجع عشان الناس اللى بتحبك يا ريت ترجع

عزيزى الاستاذ بلال فضل

الطبخة فى قلمين بقيت ناقصة ملح من غير عمرو يا ريت تتكلم معاه شخصيا من غير ما تنشر اللى بيدور بينكم

عزيزى الاستاذ ابراهيم عيسى

لو سمحت تحافظ على الدستور ذى ما بنحبها

الى الاستاذ خالد البلشى والاستاذة عبير العسكرى

ساعات كتير بيكون السكوت افضل من الكلام

واحد.. اتنين.. الجيش العربي فين؟

2006-08-01T01:07:00.000+03:00

شاعر اسمه محمد بهجت.. ظهر على الهواء في برنامج "العاشرة مساء" وألقى قصيدة من تأليفه تقول

واحد اتنين الجيش العربي فين

الجيش العربي في مصر

ساكن في مدينة نصر

بيصحى من النوم العصر

وبيفطر شاي و منين

واحد اتنين الجيش العربي فين

الجيش العربي في سوريا

حالق عالموضة كابوريا

وعلى طريقة فكتوريا

خلّى الترماي بدورين

واحد اتنين الجيش العربي فين

الجيش العربي الليبي

زيّ الفن التكعيبي

كله بتنجان يا حبيبي

الظاهر واخد عين

واحد اتنين الجيش العربي فين

الجيش العربي خليجي

ما فيه حيل لا يروح ولا ييجي

هذا صمت استراتيجي

اش فيك يا غراب البين

واحد اتنين الجيش العربي فين

الجيش العربي في تونس

اخضر مثل البقدونس

وعزيزة بتعشق يونس

يبقى الحروبات بعدين

واحد اتنين الجيش العربي فين

الجيش العربي سوداني

سامع رنّته بوداني

هو انا هاهجم فرداني

يالا ارجع يا ابو حسين

واحد اتنين الجيش العربي فين

الجيش العربي اتهان

يوم ما انضربوا الأفغان

وسكت في البوسنة زمان

واحد اتنين الجيش العربي فين

**********

لتحميــل الفيـديو اضغط على هـذا الرابط

http://admins.20at.com/masr/Dream2_elgaishelarabyfeen.wmv

اسرائيل هتنام فى الملاجىء يا رجالة

2006-07-26T01:36:00.000+03:00

اعلن الزعيم المحترم اللى مفيش غيره محترم بين الزعماء " اللى مفيش حد منهم يستحق يبقى زعيم " السيد حسن نصر الله ان القصف على اسرائيل قد دخل مرحلة ما بعد حيفا

يالا يا كلاب اسرائيل خافوا على نفسكم وناموا فى الملاجىء اليومين دول دا اذا جالكوا نوم

قريبا .. يوميات معتقل سياسى

2006-07-24T13:47:00.000+03:00

قريبا وحصريا

فقط على ابن فتح الله

يوميات معتقل سياسى

ستين يوما فى المعتقل بكل تفاصيلها وكتابات

المعتقلين خلال تلك الفترة وايضا تفاصيل العرض على النيابة من داخل السجن وامن الدولة

انتظرونا

هدايا الأطفال الصهاينة إلى أطفال الشعبيْن الفلسطيني واللبناني

2006-07-22T03:40:00.000+03:00

صور هدايا الأطفال الصهاينة إلى أطفال الشعبيْن الفلسطيني واللبناني

اضغط هنا للمشاهدة

نحن ذاهبون إلى حرب مفتوحة .. ما حقيقة القدرات الصاروخية والجوية لحزب الله؟

2006-07-19T01:27:00.000+03:00

(CNN)

بعد تنفيذ حزب الله تهديده الذي كان قد أطلقه أمينه العام ،حسن نصر الله، في 14 يوليو/ تموز الجاري، بقصف "حيفا وما بعد حيفا"، وبعد أن ضربت صواريخه - بالفعل - حيفا، التي تبعد نحو 35 كيلومتراً عن الحدود اللبنانية - الإسرائيلية، أصبح في حكم المؤكد أن الحزب يمتلك قدرات صاروخية متطورة غير معلنة

ولعل أهم سؤال يمكن أن يثيره قصف حزب الله حيفا بصواريخ يصل مداها إلى هذه المسافة، هو هل حقا لدى حزب الله صواريخ تستطيع الوصول إلى "ما بعد حيفا"، كما هدد نصر الله؟ وما هي أنواع هذه الصواريخ وطرازها، في حالة وجودها بحوزة الحزب؟
ولاشك في أن تمكُّن حزب الله من إصابة البارجة الإسرائيلية، من طراز "ساعر 5"، مما أدى إلى إحداث أضرار متوسطة، حسب المصادر الإسرائيلية، قد لفت أنظار المحللين العسكريين إلى القدرات الصاروخية لحزب الله، ولاسيما أنها المرة الأولى التي يستطيع فيها استهداف قطعة عسكرية بحرية لإسرائيل بواسطة صاروخ.. وهي المرة الأولى أيضاً التي يستخدم فيها الحزب مثل هذا الصاروخ.
فكما أعلنت الناطقة باسم الجيش الإسرائيلي، فإن الصاروخ هو من نوع "سي 802"، وهو صنع إيراني مطور عن تكنولوجيا صينية، ومداه يصل إلى نحو 100 كيلومتر وموجه بالرادار.
هل حقا يمكن ان تصل صواريخ حزب الله لما بعد حيفا؟
ترسانة الحزب من الصواريخ

يعتقد كثير من المحللين العسكريين أن القدرات الصاروخية التي يمتلكها حزب الله مصدرها إيران بصورة رئيسية، وتأتي في المرتبة الثانية من سوريا.
وكان الأمين العام لحزب الله قد اعترف في 23 مايو/ أيار الماضي، بامتلاك الحزب لنحو 12 ألف صاروخ.
أما مجلة "جينز" الأسبوعية المتخصصة بشؤون الدفاع، فقد نقلت عن مصادر في أجهزة الاستخبارات الإسرائيلية، تقديرها أن حزب الله يمتلك ما بين عشرة آلاف إلى 15 ألف صاروخ تلقاها من سوريا وإيران.
وفيما يلي عرضاً مختصراً للأسلحة الصاروخية التي يمتلكها حزب الله:
- صواريخ "كاتيوشا": معظم الصواريخ التي يمتلكها حزب الله من هذا النوع، الذي يتراوح مداه بين 12 و22 كيلومتراً، حيث أعلن الجيش الإسرائيلي أنه منذ بدء المواجهات في 12 يوليو/ تموز، سقط أكثر من 700 صاروخ كاتيوشا على المناطق الشمالية داخل إسرائيل.
- صواريخ "فجر": وهي صواريخ كاتيوشا مطورة من قبل إيران، ويبلغ مداها ما بين 35 و75 كيلومتراً، وكانت مجلة "جينز" قد أشارت إلى امتلاك حزب الله لصواريخ "فجر 5" التي يبلغ مداها 75 كيلومتراً.
- صواريخ "رعد": وهذه صواريخ إيرانية الصنع، وهي تقليد لصواريخ "فروغ" الروسية، ويصل مداها إلى 70 كيلومتراً. وقد أعلن تلفزيون "المنار" التابع لحزب الله، أن الصواريخ التي سقطت على حيفا، هي من نوع "رعد 2" و"رعد 3".
- صواريخ "زلزال": ذكرت مجلة "جينز" أن حزب الله يمتلك، فيما يبدو، 100 صاروخ إيراني، من نوع "زلزال 1"، يبلغ مداها 150 كيلومتراً تقريباً، مما يعني أنه (الحزب) قادر على ضرب العاصمة الإسرائيلية، تل أبيب.
ونقلت صحيفة "هآرتس" العبرية عن مصادر عسكرية إسرائيلية قولها إن إيران زودت حزب الله بصواريخ "زلزال 2"، التي قد يبلغ مداها 200 كيلومتر، إلا أن هذا النوع من الصواريخ لا يصيب أهدافه بدقة، لأنه لا يحتوي على أجهزة تحكم ذاتية تمكنها من تحديد الأهداف، وباستطاعة رأسه حمل مواد متفجرة قد تصل إلى 600 كيلوغرام.
- صواريخ مضادة للطائرات: كشفت صحيفة "الشرق الأوسط" اللندنية في العاشر من نوفمبر/ تشرين الثاني 2005، ونقلاً عن ضابط رفيع في الحرس الثوري الإيراني، أن طهران سلمت حزب الله صواريخ مضادة للطائرات مقلدة عن صواريخ "سام 7" الروسية، ولكنها أقل طولاً ووزناً منها. وهذه الصواريخ يمكن حملها على الكتف وتتميز بأنها ذات توجيه ذاتي.
- صواريخ مضادة للدروع: أشار موقع "جينز" على الإنترنت، أن حزب الله يمتلك صواريخ مضادة للدروع روسية الصنع، من طراز (Sagger AT-3) و(Spigot AT-4)، كما أنه يمتلك صواريخ "تاو" (TOW) الغربية الصنع.
القدرات الجوية لحزب الله

ذكرت صحيفة "الشرق الأوسط" اللندنية في العاشر من نوفمبر/ تشرين الثاني 2004، ونقلاً عن ضابط رفيع في الحرس الثوري الإيراني، أن طهران زودت حزب الله بطائرات من دون طيار، إيرانية الصنع، من نوع "مهاجر 4". وسبق أن أطلق حزب الله هذه الطائرة فوق الحدود الشمالية لإسرائيل عام 2004، والتي أطلق عليها الحزب اسم "المرصاد 1".
وتحمل هذه الطائرة - وفق المصدر نفسه - ثلاث كاميرات وراداراً رقمياً ونظام إرسال إلكترونياً، وهي قادرة على التحليق على ارتفاع أكثر من ستة آلاف قدم، وتصل سرعتها القصوى إلى حوالي 120 كيلومتراً في الساعة، وتبلغ قوة محركها نحو 10 أحصنة.
وذكرت الصحيفة، استناداً إلى الضابط الإيراني، أن حزب الله تسلم ثماني طائرات من طراز "مهاجر" في أغسطس/ آب من ذلك العام، ضمن حمولة تضمنت أجهزة استطلاع ورادارات متطورة جداً.

لم نراهن يوما عليكم بل كان رهاننا على الله

2006-07-18T00:14:00.000+03:00

لم نراهن يوما عليكم بل كان رهاننا على الله

لا اجد ما اقوله بعد تلك الكلمة التى قالها العظيم حسن نصر الله غير
حسبنا الله ونعم الوكيل

سيدي الرئيس ...بليز

2006-06-27T14:42:00.000+03:00

ياسيدي الرئيس

بقولهالك بليز

وممكن لو سمحت تبص لمرة

تحت ممكن تحس بينا

وتبص مرة علينا

دحنا الشعب اللي اصلا مفروض انك حمينا

ياسيدي الرئيس بقولهالك بليز

تشوف حال المواطن

اللي فى الفقر قاطن

وتشوف عشش ومقابر

سكن فيها البشر

يدوئه فوق المر مر

ويعيش تحت الخطر

وده حكم القدر

خلاك فوقنا رئيس

موافقين وبنفس راضيه

بس يعيشو عيشه هادية

ياسيدي الرئيس بقولهالك بليز

محنش عايزينها باريس

عاوزين مصر بلدنا

يكون فيها فعلا رئيس

بقلم / محمود المصري

جامعة أون لاين

الحب الحقيقى هو

2006-06-24T13:46:00.000+03:00

الحب الحقيقي .. هو أن تزرع في طريق من تحبهم وردة حمراء .. وتزرع في خيالهم حكاية جميلة .. وتزرع في قلوبهم نبضات صادقة .. ثم لا تنتظر المقابل

..! الحب الحقيقي .. هو أن ترمي لهم بطوق النجاة في لحظه الغرق .. وتبني لهم جسر الأمان في لحظات الخوف .. وتمنحهم ثوبك في لحظات العري كي تسترهم ..

تم لا تنتظر المقابل

..! الحب الحقيقي .. هو أن تبيع دموعك كي تشتري لهم الفرح .. وتتراقص بينهم ألما كي تمنحهم السعادة .. وتبكي بعيدا عنهم كي لا تفسد فرحهم .. ثم لا تنتظر المقابل

..! الحب الحقيقي .. هو أن تتحول الى عكاز كي ترحم عجزهم .. وتتحول الى مرآة كي تقوم عيوبهم .. وتتحول الى مطر كي تبلل جفافهم .. ثم لا تنتظر المقابل

..! الحب الحقيقي .. هو أن تخترع لهم الهواء عند اختناقهم .. وتنزف لهم دموعك عند عطشهم .. وتقتطع لهم من جسدك عند جوعهم .. ثم لا تنتظر المقابل

..! الحب الحقيقي هو أن تشعل أناملك كي تضيء لهم الطريق .. وتحرق أيامك كي تبث فيهم الدفء .. وتمنحهم عينيك بدون تردد كي تنير لهم الظلام .. ثم لا تنتظر المقابل

..! الحب الحقيقي .. هو أن تساعدهم على الوقوف عند التعثر .. وتساعدهم على الفرح عند الحزن .. وتسعدهم على الأمل عند اليأس .. ثم لا تنتظر المقابل

..! الحب الحقيقي .. هو أن تحتفظ لهم في داخلك بمساحة جميلة من الأحلام .. ومساحة شاسعة من الرحمة والمودة ..وأن تملك قدرة فائقة على الغفران لهم مهما اساؤوا اليك .. ثم لا تنتظر المقابل

..! الحب الحقيقي .. هو أن ترد عنهم كلمات السوء في غيابهم .. وتحرص على بقائهم صفحة بيضاء في أعين الآخرين .. وتحفظهم مهما غابوا عنك .. ثم لا تنتظر المقابل

..! الحب الحقيقي .. هو أن تترجم احساسهم الى من يهمهم أمره .. وتحمل أحلامهم الى من لا يكتمل حلمهم الا به .. وتدعو لهم بالسعادة مع سواك اذا كانت سعادتهم مع سواك .. ثم لا تنتظر المقابل

..! الحب الحقيقي .. هو أن تمتص حزنهم وتمتليء به .. وتنصت الى همومهم وتتضخم بها .. وتحمل عنهم ما لا يستطيعون حمله من متاعب الحياة ..ثم لا تنتظر المقابل

..! الحب الحقيقي .. هو أن تقدم لهم دعوة الى الحياة حين يفقدون شهية الحياة .. وتقدم لهم دعوة للحلم حين يفقدون المعنى الجميل للحلم .. وتقدم لهم دعوة اللجوء الى قلبك حين تغلق القلوب في وجوههم ..

ثم لا تنتظر المقابل

..! الحب الحقيقي .. هو أن تتجرد من أنانيتك من أجلهم .. وأن لا تفرض عليهم مشاعرك
وأحلامك .. وأن لا تصطاد قلوبهم في الماء العكر .. ثم لا تنتظر المقابل ..!

البت باتعة

2006-06-23T12:12:00.000+03:00

البت باتعه... بنت زيد عبد الصبوراللي أمها يوم عرسها

كان عفشها... حلّة وبابور

ومعاه كمان صندوق خشب كان أصله سحارة صابون

فيه بنستين والمكحلة ومراية والفلاية والملقاط

وحجر وليفة ومبخره وقزازة كان فيها البخور

وجوز صحون ومنٍخُلين..والطشت والقروانه والغربال

ومقشّه ليف...ومقشتين عرجرن وزير وزلعة وقىلتين وماجوروحصيره من سوق التلات

ولحاف بإيدها منجداه ومخدتين والوش كان دمُّورفي الانفتاح

علي رأي صاحبي .. وفتحنا مصر سداح مداح

ونسينا حي علي الكفاح والشعب محكوم بالسلاح

اتلخبطت كل الأموروقيم كتيروعادات كتير اتغيرت

من ضمنها غًلو المهورالبنت دًي بنت أم باتعه

مش عاجبه حد في مشيها إكمنًّها.. مشيت طريقها لوحدها

والأسرة غابت عنًّها مشغولة عنها بعبئها سايبينها هيًّ وشأنها

وإكمنًّها مستهدفه

الأجنبي ومعاه غبي

فكّر لها قال أولا:ترفض معيشة أهلها ترفض أوامر ربها

ترمي الحياء والانتماء ورا ضهرها

تقطع جدورها بنفسها

قال لها إزاي حتعرض لحمها وتبان مفاتن جسمها

من ضفرها.. لأعلي خصله ف شعرها

عمل الصالات... تعرض موضات والاعلانات... ماليه الشاشات

بالشنبوهات والتسريحات وحاجات كتير فرحت بيها

تاهت ونسيت نفسها وتكلًّمك ربع الكلام بالأجنبي وتقول هالو...بنت أم باتعه تقول هالو

مرسيه يا شوشو وثانك يو وكَمٍ يا توتو وياللا جو

وكبار شيوخ المسلمين ما عرفش ليه مًتلجًّمين والمسئولين... فتحوا الببان علي وًسعها

قام قال سلامة

ألمًّها يمكن تغيّر فكرها ترجع لدينها وربها وتعيش حياتها بحلوها وبمرها

راح لـ أمها...يخطبها منها وقال لها

بصراحه بنتك..عاوزه حد يلمّها

وأنا قدّها قالت: وماله

البنت يلزمها الجواز شخشخ جيوبك.. واشتري ياللا الجهاز

قال: اطلبي...قالت: تجهز شقه.. قد أربع إوض

أحسن نابوليا في البلد وتجيبها من دمياط وتجيب نجف من غير عدد

والمكنسة بشفاط والدًّش قبل الدُّش والفديو والبوتاجاز

وتجيب لها تلاجة ستاشر قدم وتجيب لها قبل الجواز...الفرو والمحمول

وتجيب لها غسالة فول أنا قصدي فول توماتيك

شقتها كاملة..زي أي بوتيك

وتجيب لها قبل الجهاز الشبكة طقم من الدهب

أنا مش حاقولك ألماظ وتجيب لها فستان زفاف

من غير كمام من غير كتاف علشان يبين صدرها

وتبان مفاتن جسمها وتجيب غوازي تزفها واللي اسمه إيه شهر العسل

في الشرم واللا الغردقة وبلاش أمور البعزقة

آدي مطلبي إن كنت قادر مهرها قرَّب لها

أنا مش حاميّل بختها..قال: يا أم باتعه حاجيب منين

أنا لاني راجل مرتشي ولا أحب أجيب بالدّين

ولا أرضي بالتقسيط..الطاق بيبقي طاقين ويكتّبوني شيكات أو أمضي علي ايصالات

علي إنها امانات وحكاية مش هيّ

لو بس فات شهرين مادفعتلوش قسطين بدل المحامي اتنين

حايجيب له رفض الشيك ومصيبه وقضيه

ومش حاقولك عال قرف وحاجات مخلًّه بالشرف

اما البوليس والمحكمه حابقي ف نظرهم منحرف وباكسر القوانين

شوفي يا ام باتعه أنا عندي شقه محندقه معقوله ماهش ضيقه

فيها يادوب أوضتين وعملت جمعيه مع ناس أماره زيكم

وقبضتها ألفين وادي اللي عندي وقلتلك بصراحه وبإذن واحد أحد ربًّك حايفرجها

وباتعه حتريَّحك.. وتعيش مرتاحه

قالت له: قم من هنا قم فضها سيره أنا احترمتك.. عشان الأهل والجيره

بتقولي الفين جنيه ?!!وانا اللي قال بافتكر..باتعه حاتخد بيه

حافظ علي كلمتك يا اهبل..وخلًّيك زوق دي باتعه طول عمرها دايما تبص لفوق

لاحمر ولاخضر وشي محزَّق وبنطلونات والشعر فوق كتفها سايح وفي الكوافير

مش كل طير يندبح خد دش وانت تفوق

وتفوق لنفسك وتتكلم كلام موزون

وفرضنا انت اللي عاقل والمستمع مجنون

!ألفين جنيه للغوازي واللا للمأذون ?!! فيه ناس كتير زيكم مش عايشة في الدنيا

.مابتسمعوش الرداوي.. واللا تلفزيون ?!! شفت اللي بيقدمه الحاج متولي

?!!الشقه بالعفش كامله..وفلوس كتير في البنك كتبه لعروسته.. دَا غير اللبس والمصاريف

شايفاه بعيني ولا واحد غريب

قالًّلي كل المسلسل تابعته دقيقه بدقيقه والحاج متولي إلاهي لم يشوف ضيقه

راجل صحيح مًقٍتًدًر كل البنات عاوزاه وباتعه بنتي..إلاهي يكون نصيبها معاه

مش جاي تقولي الشباب !!أنا ناقصه هَمٍ تقيل

قال: يا ام باتعه اسمعيني كل دا تمثيل

قالت له: ده قصر ديل وبلاش كلام فاضي الشعب راضي

مافيش غيرك عامل لي تقيل ما تكونش ماهر يا شاطرواسم أبوك عطار

والشاي علي النار وقاعد لسَّه عالرمله والحلوه تيجي تلاقيك فارش لها المنديل.?!

قال: يا ام باتعه دي ناس بتوزع الأوهام ساعدوا العدو بجهلهم

في الحرب عالإسلام وأنا مش بالوم جهلهم اللوم علي الإعلام

قالت: خلاصة الكلام أنا بنتي مش من وقمكم

شوفولكو ناس علي قدًّكم

أنا بنتي حلوه مثقفه حافظه الأغاني كلها.أحدث شريط عندها

دي لما تلبس بنطلونها الجينزكل الشباب تجري وتخطب ودّها

ونانسي عَجرم نفسها ما تجيش في خصله ف شعرها ولا تيجي ضفر ف رجلها

طب والنبي...لو شافها واحد أجنبي

ليجيب لها.كل اللي ييجي ف نفسها

الشاعر أمين الديب

خديجة هانم

2006-06-11T10:51:00.000+03:00

خديجة هانم خليّ البيه الصغير يكلملنا البيه الكبير ..
دي حكومتنا صايعة وبلدنا ضايعة والوضع فيها أصبح خطير
خديجة خليّ البيه الكبير يخف إيده على الحريم..
وعلى العيال..وعلى القضاة..وعلى الحفاة وعلى العراة..
وعلى الجميع..وعلى الرفيع..وعلى الوضيع
كل اللي ماشي في الشوارع ..في الكنايس أو في الجوامع ..
حتى اللي قاعد في الصوامع..بقى مشبوه خطير
يمكن فلحظة يروح فطيس .. تحت بيادة ظابط بوليس .. بتمن رخيص
إسماعيل يا شاعر فين المشاعر..
يا عادلي عدلك طريقه واعر بيقودنا فيه ..سواق ضرير
محمود يا مكي بلدنا تشكي وساعات بتبكي..وطني الأسير
ولبسطويسي ..يا حكومتنا لوصي أو حتى حوسي وبلاش تعوصي..صاحي الضمير
خديجة هانم بشوية دلال تخلي جمال يسيب العيال ..ده قلبي ياما استحمل كتير
خديجة ده كله تحت المداس ..من الرضيع لأعلى راس
والمستشار يلومه حمار أكمنه زعل سيدنا الأمير

وصي الباشا علينا ..
لحسن ده ناوي يطلع عنينا ..
أكمنا يوم رفعنا إيدينا وشكناه لرب قدير
احنا خلاص يا خديجة ..احتار دليلنا ويا النظام
قالوا اللي يعمل فيها راجل ..هيتعكش من غير كلام
لبسنا الطرح وعملنا زي الحريم تمام
لكن حتى الحريم عكشها النظام
خديجة مهرك عرش البلاد ..وهوم وطن
حنى جبينه سحل الولاد ..لجل الوثن
وبلاد جميله باعها الجبان .. من غير تمن
خديجة وطنك بيبات جعان .. من غير سكن
خديجة وطنك نايم عريان .. وفرشه الكفن
وانت تحتك احلى سرير .. فرشه الحرير
خديجة فين اللى جمع فى فلوس قناطير ذهب
واللى فوق الاهرامات اسمه انكتب
واللي من حق الشعوب يامه كسب
ملكه صار تحت التراب وماله .. ذهب
خديجة تبت ايد ابى لهب فى نار اللهب
ده عذاب اليم وبئس المصير
خديجة فاضل تكه كمان
ونهيج فى وشه زى الطوفان
دى الصبر اخره فاض من زمان
وقوليله ده آخر نذير
د/إسلام عرفة

نقلا عن موقع جامعة اون لاين

الفارس

2006-06-07T15:18:00.000+03:00

لا تنتظرى ان يبتسم العابس
فالفارس ليس الفارس
مدى بانائك
عبر السلك الشائك
واسقيه من مائك
مدى طرف ردائك
حتى يصنع منه للقلب ضمادا
ويسد شقوق البرد القارس
ويرد البرد القارس
تتوالى كل فصول العام على القلب الباكى
لم يسترح عبر الاشواك سوى رؤياك
فعيناك الفردوسان : هما الفصل الخامس
عيناك هما اخر نهر يسقيه
اخر بيت يؤويه
اخر زاد فى التيه
اخر عراف يستفتيه
اريحيه
اريحيه على الحجر البارد
كى يرتاح قليلا فلقد سار طويلا
وقفى كملاك الحب الحارس
وقفى حتى لا يفاجئه الموت
قفى كملاك الحب الحارس

قصيدة لم تنشر لامل دنجل

just thinking

2006-06-06T12:11:00.000+03:00

هذا المقال مبني على فكرة ماذا لو أمكن ؟؟ مجرد أمكن لأي شعب في أي مكان في العالم أن يقوم بثورة ضد نظامه الحاكم؟؟
ماذا يفعل ؟؟.. وكيف تحدث الثورة ؟؟..ماهي أسباب نجاح وفشل الثورات ؟؟..وماهي أنواعها؟؟ .. كل الأسئلة دي هنستعرضها في هذا المقال
في البداية ..فإن الثورة ثلاث أنواع

النوع الأول هو الثورة التصادمية (crush)

وهي إنك تهيج مرة واحدة على النظام اللي حاكمك زي التور الهايج ..وبعزم ماعندك.. وطرخ ..تقوم داخل بقرونك المدببة في كرش النظام ..يقوم النظام هوب يترنح زي المسطول ..يروح ..طخ يقع ع الأرض.. وكده يسقط النظام ..
بس عشان تعمل كده لازم 3 حاجات : لازم إنك تكون تور ..و إن يكون عندك قرون .. و إنك تعرف فين كرش النظام ..
النوع الثاني ..الثورة التدافعية (push)

وهذا النوع يحتاج إلى تنسيق عالي بين جموع الشعب للنزول إلى الشوارع في وقت واحد وهذا لا يحدث إلا إذا حدث زلزال أو قررت نانسي عجرم أن تمشي في الشارع
النوع الثالث وهو عكس النوع الثاني وهو ..الثورات السلبية :
وهو إن محدش ينزل من بيته ..محدش يمشي في الشارع ..محدش يروح شغله ..محدش كليته ولامدرسته ..يعني الناس توّقف البلد
وهذا النوع يجدي مع النظام الحسيس والنظام الجينتل ..لنا يلاقي الشعب عمل كده ..يتحرج ويمشي ..لكن في نظام لو شعبه عمل معاه كده يلم الناس من بيوتها ويسحلها في الشوارع ويوديهم الشغل بالعافية..ويصورهم في التلفزيون ويذيع في نشرة تسعة إن الحياة رجعت لطبيعتها ..وإن البهايم قصدي الشعب رجع يدور في السقية تاني.. قصدي رجع لطبيعته
لكن أنا بقترح نوع جديد على الشعوب المقهورة

وهو إن الشعب يجيب( ديفيد كوبر فيلد) عشان يخفيه ..تخيلوا معايا نظام قام الصبح ملقاش الشعب بتاعه ..فالحكام مش حيلاقوا حد يحكموه..والوزرا مش هيلاقوا حد يسرقوه ..والظباط مش هيلاقوا حد يبهدلوه..طبعا هيتجننوا .. وهتلاقي النظام ماشي يعيط في الشوارع ويدبدب زي العيّل الصغير ويقول : أنا عايز الشعب بتاعي ..أنا عايز الشعب بتاعي ..والله لو ماجبتولي الشعب بتاعي مش رايح الحكومة الصبح ..وتلاقيهم عمّلين يلّفوا علينا بميكروفونات: شعب تايه يا ولاد الحلال عنده سبع تلاف سنة ..لابس قميص الفقر وبنطلون الذّل ..اللي يلاقيه يجيبوا لأقرب قسم بوليس
لكن محدش هيعبرهم ولا يسألأ فيهم ..ويجلهم اكتئاب وأنتم عارفين بقى كل واحد كان عنده عقدة نقص وبيطلعها في الشعب مش حيلاقي حد يطلعها فيه
وتلاقي الوزرا قاعدين في الوزارة يطلعوا عقدهم على بعض ..وزير المالية تلاقيه بيسرق محفظة اللي جنبه ..ووزير التجارة تلاقيه عمّال يقنع وزير الاستثمارإنه يبعله الترماي ولو الصفقة ماتمتش يبعله عيل من عياله أو يبيع أبوه .. المهم إنه يبيع أي حاجة والسلام ..ووزير الداخلية هتلاقيه معلق وزير الصحة من رجليه وعمّال يعذبه عشان يعترف على نفسه إنه هو اللي خفا الشعب ..
يعني هما هيخلصوا على بعض من نفسيهم وساعتها نتصل بديفيد كوبر فيلد يرجعنا تاني..
واحد يقولي طب ما كان أسهل نخلي كوبر فيلد يخفي النظام وخلاص ..
أقوله يا راجل بقى منظر الحكومة بالشكل ده يتفوت
مع تحيات:جمعاوي

االمقال منقول من : جامعة أون لاين

حاولت أن أكتب عن حبى

2006-06-04T23:07:00.000+03:00

تخيلوا حتى الكتابة دلوقتى ما لهاش طعم
كنت لما بكون زهقان زمان وقبل ما يبقى فى مدونات كان عندى اجندة كنت بكتب فيها خواطر ... اى حاجة كانت بتبقى مزهقانى كنت بكتبها وكنت بستريح بعد ما اكتبها ... قلت اعمل ده دلوقتى واكتب اللى مزهنقى هنا بس حتى ده ما لوش طعم
انا بعتذر انى مش هاعرف اكتب عن حبك ....

عندما قررت أن أنشر أفكارى عن العشق
ترددت كثيرا
فأنا لست بقسيس
ولا مارست تعليم التلاميذ ،
ولا أؤمن أن الورد .
مضطر لأن يشرح للناس العبيرا . .
ما الذى أكتب ياسيدتى ؟
إنها تجربتى وحدى . .
وتعنينى أنا وحدى . .
وتلغينى من التاريخ وحدى . .
إنها السيف الذى يثقبنى وحدى . .
فأزداد مع الموت حضورا . .
حاولت أن أكتب عن حبى . .
تعذبت كثيرا
إننى فى داخل البحر . .
وإحساسى بضغط الماء لا يعرفة
غير من ضاعوا بأعماق المحيطات دهورا
****
ما الذى أكتب عن حبك ياسيدتى ؟
كل ماتذكره ذاكرتى . .
أننى استيقظت من نومى صباحا . .
لأرى نفسى أميرا . . . . .

وها هو قد مات

ماله الريس؟؟؟؟؟؟

2006-06-02T13:08:00.000+03:00

أنا مبخافشى وحفضل أقول

كلمـة حــق عليها مسئـول

إن الريس راجــل طيــب

وبشعبه دايما مشغـــــول

مشغول انه يلم فلوسنا

بره سويسرا يحوشهالنا

وف حسابات سريه يشيلها

نفسه يأمن مستقبلنا

شفتوا ازاى بقى قلبه رحيم

عنده ايمان وضميره سليم

بيجوعكوا لجل تخسوا

آه ياشعب يا محتاج لرجيم

من جهلكوا بتقولوا بطاله

وان الاحوال مش شغّاله

دا الراجل نفسه يريحكم

هى الراحه تبقى عواله؟

أما حكاية المنتجعات

ليه تسموها المعتقلات؟

ليه الظن

وسوء النيّه

نفسه يفسحكوا يا بهوات

أما الكرسى واللى اتقال

دا كلام مش محتاج لسؤال

الغلطه دى غلطتنا يا عالم

إن مجبناش كرسى تيفال

والله انتم ظالمين الراجل

ضيّع عمره ومين يستاهل

حتى الاكل بياكله بدالنا

طالع واكل نازل واكل

بعد دا كلّه........ماله الريس؟؟؟؟؟؟

منقول وغير معلوم المصدر

الكبير عاوز كده.....

2006-06-01T01:44:00.000+03:00

حد فيكم سئل نفسه ليه اللى بيحصل لنا ده؟؟؟؟؟؟
هى ده بلدنا .... لا ده مش بلدنا ده بلده هى.... بلده هو وعياله وحبيبه....
خدها تمليك هى باللى فيها وخد الناس كمان فوقيها هدية....
طب ما يبقى من حقه ما يفرطش فيها و بالذات انه خادها ببلاش وتمليك كمان....
طب يفرط فيها ليه....
عشان بنقولوا كفايه زهقنا خلاص مش عارفين نعيش....
طب وايه يعنى ما نقولوا!!!!!
هو ايه اللى اتغير.... احنا قولنا .... احنا اعتقلنا.... احنا اتسحلنا.... احنا انتهك عرضنا ....
وهو زى ما هو..... الكبير صاحب الليلة كلها......
طب نعمل ايه ؟؟؟؟ ده حتى الكلام خايفين نقوله.....
ما هو طول ما وراه فتوته هيفضل مطمن. ...
بس الفتوات مهما كان عددهم ما يقدروش على الناس كلها.....
بس الناس تتحرك..... ده لو الناس لسه عندها نفس تتحرك.....
اوعى تزعل منى يا كبير....... دا انا حته عيل..... من زهقه بيكتب .....
وما يهمكش ما اللى بيتقال...... ده كلام وخلاص ......
وبنسئل روحنا ليه اللى بيحصل لنا ده.... طبعا..... اصلى الكبير عاوز كده